ବକ୍ସ ଅଫିସରେ ପୂଜାର ଜଲଓ୍ଵା

ଏହା ପରେ ଦ୍ଵିତୀୟ ପାର୍ଟକୁ ଦର୍ଶକ ଅପେକ୍ଷା କରି ରହିଥିଲେ। ଡ୍ରିମ ଗର୍ଲ ୧ କେବଳ ୨୮ କୋଟି ବଜେଟ୍‌ରେ ନିର୍ମାଣ ହୋଇଥିଲା ଏବଂ ୨୦୦ କୋଟିରୁ ଅଧିକ ଟଙ୍କାର କାରବାର କରିଥିଲା।ଡ୍ରିମ ଗର୍ଲ ୨ ଅଗଷ୍ଟ ୨୫ ତାରିଖ ସିନେମାଘରେ ରିଲିଜ୍ ହୋଇଛି। ଫିଲ୍ମ ୩୫ କୋଟି ଟଙ୍କା ବଜେଟ୍‌ରେ ନିର୍ମାଣ ହୋଇଛି। Sacnilk ଦ୍ଵାରା ଜାରି ତଥ୍ୟ ଅନୁଯାୟୀ, ଦ୍ଵିତୀୟ ଦିନରେ ଫିଲ୍ମ ୧୨ କୋଟି ୬୯ ଲକ୍ଷ ଟଙ୍କାର କାରବାର କରିପାରେ। ଆଡଭାନ୍ସ ବୁକିଂ ଓ କ୍ରେଜକୁ ଆଧାର କରି ବିଶେଷଜ୍ଞଙ୍କ ମତରେ ଫିଲ୍ମଟି ଦ୍ଵିତୀୟ ଦିନରେ ପାଖାପାଖି ୧୨ କୋଟି ଟଙ୍କା ଆୟ କରିପାରେ। ଏହିପରି ପ୍ରଥମ ଓ୍ଵିକେଣ୍ଡ ସରିବା ପୂର୍ବରୁ ଫିଲ୍ମ ନିଜର ନିର୍ମାଣ ଖର୍ଚ୍ଚ କାଢି ସାରିଥିବ।ଅନୁମାନ ଅନୁଯାୟୀ, ତୃତୀୟ ଦିନରେ ଫିଲ୍ମ ନିଜର ପୂରା ଖର୍ଚ୍ଚ ଉଠାଇ ସାରିଥିବ ଏବଂ ସୋମବାରଠୁ ଯାହା କାରବାର ହେବ ତାହା ଲାଭରେ ଯୋଡ଼ି ହୋଇ ଚାଲିବ। ଫିଲ୍ମର ପ୍ରଡକ୍ସନ ଏଥର ମଧ୍ୟ ଏକତା କପୁର କହିଛନ୍ତି। ଗତ ଥର ଫିଲ୍ମଟି ବ୍ଲକ ବଷ୍ଟର ହିଟ୍ ହୋଇଥିଲା। ଏହାପରେ ଏକତା କପୁର ନିର୍ଦ୍ଦେଶକ ରାଜ ଶାଣ୍ଡିଲ୍ୟଙ୍କୁ ଏକ ବିଳାସପୂର୍ଣ୍ଣ କାର ଉପହାର ଦେଇଥିଲେ।